ليست للرجولة قطع غيار
ليست للرجولة قطع غيار..فهل هناك من يغار؟!
كنت قاعد على قهوة..الناس ماشيية ف الدنيا..
وفجأة
وعلى سهوة
شفت عم حنفي..كان قاعد ع القهوة وماسك ف إيده حاجة بيضة..وف آخرها جمرة..دخانتها سودة..رحيتها وحشة..
قعدت جنبه..
حسيت إنه فاتحلي قلبه..
سألته: ياعم حنفي..أنت بقالك كام سنة مُدخن؟!
قالي: تلاتين
فقلتله: تلاتين؟!!!!!!!
وعلى وشه ملامح المتآذيين
مش من التلاتين....
لكن..
من السائلين
بصتله وقلتله : تلاتييييين سنة دُخان؟!!!!!
تلاتين سنة تعبان؟!!!
تلاتين سنة مش طايق نفسك...وقرفان؟!!!
تلاتين سنة والصحة ف النازل؟!!!
تلاتين سنة مفكرتش تبطل وتتنازل؟!!!
تلاتين سنة مضايق؟!!!
تلاتين سنة مش فايق؟!!!
تلاتين سنة مهموم؟!!!
تلاتين سنة بتشرب سموم؟!!!
تلاتين سنة مضيع فلوسك؟!!!
تلاتين سنة بتعبي ف جوفك؟!!!
تلاتين سنة ورئتك مخنوقة؟!!!
تلاتين سنة والعيشة مزنوقة؟!!!
تلاتين سنة عيالك تشم؟!!!
تلاتين سنة ما تبّطل بقى ياعم؟!!!
ياراجل سيبك منها
دي حياتك تنصلح من غيرها
قالي: آهي حاجة بطلع فيها همي
بعد كل ده..لسه..مُصمم ياعمي؟!!!!!!!!!!!!!!
ومستنتش جواب..ومشيت
وم الدرس ده وعيت
وساعتها فكرت ف الشباب
يا صاحبي..
هتتسأل يوم الحساب
بس..
مش هتلاقي جواب
ولو أنت عايز تبدأ وتفوق
لسه قدامك سنييييين
فبدأ من بدري..قبل ما يزيد الشوق
وفكر شوية وكون م العاقلين
قبل ما تتعلق بيها أكتر
وعلى بُعدها ما تقدر
فكر ف صحتك..
فكر ف مالك..
فكر ف مستقبلك..
وزوجتك.. وعيالك
وشوف عم حنفي .. وزيه كتييييييييير
ودي عبرة برضه..وخدها نذير
وعشان خاطرك فكر شوية
لأ...
فكر كتييييييييييييير
وقبل ما أختم..ليك عندي سؤال
يا شاب يا كفاءة.. يا عم الرجال
هو يصح برضه تكون عبد للسيجار؟
وليست للرجولة قطع غيار؟
وتعجبت...
أمن سمات الرجولة..أن تكون عبدا للسيجار؟
وليست هناك للرجولة
قطع غيار!
فهل هناك من يغار؟
!!!!!!!!!!!
عبد الرحمن
في الازهر بارك
No comments:
Post a Comment