رومانسيات
الحلقة الاولي ....
كان العقل فاضي و مش مشغول
والحياه ماشيه ممله و الحال مقبول
والواحد راضي بأكل الفول
لحد الواحد ما بقي مسطول
بقي ده معقول
فجأه......
بدون أي مقدمات.....
نبض القلب نبضة
غير كل النبضات
همست في الودن همسة
غير أي كلمات
راح العقل جري.....
يفك شفرت النبضات
يترجم الكلمات
ماطلعش ليها معني و لا أي مرادفات
غير إنها ...... بحبك
قام اللسان رددها
لحنها بكل النغمات
قالها بكل اللغات
بحبك ...
بحبك يا ست البنات
بحبك...
أحلي الأغنيات
بحبك...
أغنيها في صباحك
وأزين بيها سما أحلي الأمسيات
بحبك...
أهمسها في ودانِك
يتهز وجدانِك
وتوديكي لدنيا الهمسات
بحبك...
أملي بيها كاسِك
تدوقي طعمها أحلي من الشربات
بحبك...
تكون أول حُراسِك
وتحوط عليكي من أي أزمات
بحبك...
أنا هنا عشانِك
ياللي إنتي أهلي.... و أنا ناسِك
ياللي إنتي أرضي... و أنا فاسِك
بحبك...
مش أقوال
قريبا جدا .... تشوفيها أفعال
عبدالرحمن
يامن أنعتك بمولاتي....وانتي مملوكتي
No comments:
Post a Comment